Capitel: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Die gantze Heilige Schrifft: Deud\ch (Luther 1545)

Ein Capitel zurückEin Capitel weiter

Das er\te Buch Mo\e

Capitel 19

Dje zween Engel kamen gen Sodom des abends. Lot aber \as zu Sodom vnter dem thor / Vnd da er \ie \ahe / \tund er auff jnen entgegen / vnd bücket \ich mit \einem ange\icht auff die erden.
2 Vnd \prach / Sihe / HErr / Keret doch ein zum hau\e ewers Knechts / vnd bleibet vber nacht / La\\et ewr Fü\\e wa\\chen / So \tehet jr morgens früe auff / vnd ziehet ewr \tra\\e. Aber \ie \prachen / Nein / Sondern wir wollen vber nacht auff der ga\\en bleiben.
3 Da nötiget er \ie fa\t / Vnd \ie kereten zu jm ein / vnd kamen in \ein Haus. Vnd er macht jnen ein Mal / vnd buch vnge\eurte Kuchen / vnd \ie a\\en. Ebre. 13.
4 ABer ehe \ie \ich legten / kamen die Leute der \tad Sodom / vnd vmbgaben das Haus / jung vnd alt / das gantze Volck aus allen enden.
5 Vnd fodderten Lot / vnd \prachen zu jm / Wo \ind die Menner / die zu dir komen \ind die\e nacht? Füre \ie eraus zu vns / das wir \ie erkennen.
6 LOt gieng eraus zu jnen fur die thür / vnd \chlos die thür hinder jm zu /
7 vnd \prach / Ah lieben Brüder / Thut nicht \o vbel.
8 Sihe / ich habe zwo Töchter / die haben noch keinen Man erkennet / die wil ich eraus geben vnter euch / vnd thut mit jnen / was euch gefellet / Alleine die\en Mennern thut nichts / Denn darumb \ind \ie vnter die \chatten meines dachs eingegangen.
9 Sie aber \prachen / Kom hie her / Da \prachen \ie / Du bi\t der einiger Frembdling hie / vnd wilt regieren / Wolan / wir wollen dich bas plagen denn jene. VND \ie drungen hart auff den man Lot / Vnd da \ie hinzu lieffen / vnd wolten die thür auffbrechen /
10 griffen die Menner hinaus / vnd zogen Lot hin ein zu jnen ins Haus / vnd \chlo\\en die thür zu.
11 Vnd die Menner fur der thür am Hau\e / worden mit Blindheit ge\chlagen / beide klein vnd gros / bis \ie müde wurden / vnd die thür nicht finden kundten. 2. Pet. 2.
12 VND die Menner \prachen zu Lot / Ha\tu noch jrgend hie einen Eidam vnd Söne vnd Töchter / vnd wer dich angehöret in der Stad / den füre aus die\er \tet /
13 Denn wir werden die\e \tet verderben / Darumb das jr ge\chrey gros i\t fur dem HERRN / der hat vns ge\and \ie zuuerderben.
14 Da gieng Lot hinaus / vnd redet mit \einen Eidam / die \eine Töchter nemen \olten / Machet euch auff / vnd gehet aus die\em Ort / Denn der HERR wird die\e Stad verderben / Aber es war jnen lecherlich.

 

15 DA nu die Morgenröte auffgieng / hie\\en die Engel den Lot eilen / vnd \prachen / Mach dich auff / nim dein Weib vnd deine zwo Töchter / die furhanden \ind / Das du nicht auch vmbkome\t in der mi\\ethat die\er Stad.
16 Da er aber verzog / ergriffen die Menner jn / vnd \ein Weib / vnd \eine zwo Töchter bey der hand / darumb das der HERR \ein ver\chonet / vnd füreten jn hin aus vnd lie\\en jn au\\en fur der Stad.
17 VND als er jn hatte hin aus gebracht / \prach er / Errette deine Seele / vnd \ihe nicht hinder dich / auch \tehe nicht in die\er gantzen gegend / Auff dem Berge errette dich / das du nicht vmbkome\t.
18 Aber Lot \prach zu jnen / Ah nein HErr /
19 Sihe / die weil dein Knecht gnade funden hat fur deinen Augen / So wolte\tu deine Barmhertzigkeit gros machen / die du an mir gethan ha\t / das du meine Seele bey dem leben erhielte\t / Jch kan mich nicht auff dem Berge erretten / es möcht mich ein vnfal ankomen / das ich \türbe.
20 Sihe / da i\t eine Stad / nahe / dar ein ich fliehen mag / vnd i\t klein / da\elbs wil ich mich erretten / J\t \ie doch klein / das meine Seele lebendig bleibe.
21 DA \prach er zu jm / Sihe / Jch hab auch in die\em \tück dich ange\ehen / das ich die Stad nicht vmbkere / da von du geredt ha\t.
22 Eile vnd errette dich da\elbs / Denn ich kan nichts thun / bis das du hin ein kome\t / Da her i\t die\e \tad genennet / Zoar (1).
23 Vnd die Sonne war auffgegangen auff erden / da Lot gen Zoar einkam.
24 DA lies der HERR Schwebel vnd Fewr regenen von dem HERRN vom Himel erab / auff Sodom vnd Gomorra /
25 vnd keret die Stedte vmb / die gantze gegend / vnd alle Einwoner der \tedte / vnd was auff dem Lande gewach\en war.
26 Vnd \ein Weib \ahe hinder \ich / vnd ward zur Saltz\eule. Luc. 17.; 2. Pet. 2.
27 ABraham aber macht \ich des morgens früe auff an den Ort / da er ge\tanden war / fur dem HERRN /
28 Vnd wand \ein ange\icht gegen Sodom vnd Gomorra / vnd alles Land der gegend / vnd \chawet / Vnd \ihe / da gieng ein Rauch auff vom Lande / wie ein rauch vom ofen.
29 Denn da Gott die Stedte in der gegend verderbet / gedachte er an Abraham / vnd geleitet Lot aus den \tedten die er vmbkeret / darin Lot wonete.
30 Vnd lot zoch aus zoar / an bleib auff dem Berge mit \einen beiden Töchtern / Denn er furchte \ich zu Zoar zu bleiben / vnd bleib al\o in einer Höle mit \einen beiden Töchtern.
31 Da \prach die Elte\te zu der Jüng\ten / Vn\er Vater i\t alt / vnd i\t kein Man mehr auff erden / der vns be\chlaffen müge / nach aller Welt wei\e.
32 So kom / las vns vn\erm Vater wein zu trincken geben / vnd bey jm \chlaffen / das wir Samen von vn\erm Vater erhalten.
33 Al\o gaben \ie jrem Vater wein zu trincken in der \elben nacht. Vnd die Er\te gieng hin ein / vnd legt \ich zu jrem Vater / vnd er wards nicht gewar / da \ie \ich leget / noch da \ie auff\tund.
34 DES morgens \prach die Elte\te zu der Jüng\ten / Sihe / ich hab ge\tern bey meinem Vater gelegen / Las vns jm die\e nacht auch Wein zu trincken geben / das du hin eingehe\t / vnd lege\t dich zu jm / das wir Samen von vn\erm Vater erhalten.
35 Al\o gaben \ie jrem Vater die nacht auch Wein zu trinken. Vnd die Jünge\t macht \ich auch auff / vnd leget \ich zu jm / Vnd er wards nicht gewar / da \ie \ich leget noch da \ie auff\tund.
36 AL\o wurden die beide töchter Lots \chwanger von jrem Vater /
37 Vnd die Elte\te gebar einen Son / den hies \ie Moab / Von dem komen her die Moabiter / bis auff die\en heutigen tag.
38 Vnd die Jüng\te gebar auch einen Son / den hies \ie / das kind Ammi / Von dem komen die kinder Ammon bis auff den heutigen tag.


(1) Hei\\t klein.

Ein Capitel zurückEin Capitel weiter